"Milan"ın portuqaliyalı cinah hücumçusu Rafael Leau komandanın yeni baş məşqçisi, həmyerlisi Serjiu Konseysaudan danışıb.
Fanat.Az xəbər verir ki, "Football Italia" onun sözlərini belə çatdırıb:
"Konseysaunu şəxsən tanımırdım, amma "Portu"dakı dostlarımdan eşitmişdim ki, çox güclü xarakterə malik mütəxəssisdir. Onun bir neçə gündə etdikləri inanılmazdır. Konseysaunun dedikləri mənim üçün çox vacibdir. Hiss etdim ki, bu enerji bütün komandaya lazımdır. İtaliya Superkubokunun finalında ortaya qoyduğumuz mentalitet göz qabağındadır. Belə davam etməliyik.
Yarımfinalda "Yuventus"a, finalda isə "İnter"ə qarşı əsl xarakter nümayiş etdirdik. Əlbəttə, həmişə ən yaxşı oyununuzu keçirə bilməzsiniz, amma xarakter sayəsində çətin vəziyyətdən çıxaraq qələbə qazanmaq mümkündür. Yəni hansısa ötürmədə səhv etsən, yersiz driblinqlə yadda qalsan belə, həlledici məqam istəkdir. Biz "Yuventus"u və "İnter"i məhz istək hesabına üstələdik".
Xatırladaq ki, İtaliya Superkubokunun dünən keçirilən final matçında - əzəli rəqibi "İnter"lə oyunda 0:2 hesabı ilə geri düşən "Milan" möhtəşəm geridönüşlə 3:2 hesablı qələbə qazanıb.
Nihat
