Medianın İnkişafı Agentliyinin Naxçıvan regional idarəsinin təşkilatçılığı ilə könüllülər üçün seminar keçilib.
Seminarda açılış nitqi ilə çıxış edən Medianın İnkişafı Agentliyinin Naxçıvan regional idarəsinin müdiri Vəfa İsgəndərova könüllülərin belə tədbirlərdə iştirakının onların gələcək peşəkar inkişafına və müasir media trendləri barədə məlumatlılıq səviyyələrinin yüksəldilməsinə müsbət təsir göstərəcəyini, həmçinin media məhsullarının istehsalı və istehlakı prosesində fərqindəliklərinin artırılmasına kömək edəcəyini bildirib.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyinin əməkdaşı Günay Nəzərova “Audiovizual yayımda doğru xəbərin hazırlanması” mövzusunda çıxış edərək, medianın əsas prinsipləri, informasiyanın düzgün ötürülməsi, ictimaiyyətlə əlaqələrin idarə edilməsi və etik davranış qaydaları haqqında danışıb, sosial mediada yayılan informasiyanın təhlili, yanlış məlumatların qarşısının alınması və dezinformasiyaya qarşı mübarizə üsulları barədə praktik nümunələr təqdim edib.
Sonda Naxçıvan MEDİA könüllülərinin sualları cavablandırılıb.
