Mövsümün ikinci yarısına hazırlaşan "Qarabağ" "Kəpəz"lə yoxlama oyununda qüvvəsini sınayıb.
Fanat.Az xəbər verir ki, "Azərsun Arena"da baş tutan matç Ağdam təmsilçisinin 5:1 hesablı qələbəsi ilə yekunlaşıb.
Qurban Qurbanovun komandasının heyətində Aleksey Kaşuk het-trik edib (5, 14, 35-cü dəqiqələr). Digər qolları Emmanuel Addai (38) və Davud Məsumov (64) vurub.
Gəncə təmsilçisində isə Ehtiram Şahquliyev fərqlənərək (67) yekun nəticəni rəsmiləşdirib.
Qeyd edək ki, Ağdam təmsilçisi yanvarın 12-də ikinci yoxlama matçında "Zirə" ilə qarşılaşacaq.
