Bəzi insanlar emosiyalarını nəzarətdə saxlamağı bacarır, bəziləri isə qəzəbləndikdə tamamilə idarəni itirir. Astroloqlar bildirir ki, bu xüsusiyyətlər insanın bürcü ilə də bağlı ola bilər. Əgər qarşınızdakı insanın hansı bürcdən olduğunu bilirsinizsə, onun reaksiyalarını da təxmin edə bilərsiniz.
Bəs hansı bürclər əsəblərinə hakim ola bilmir? Yenisabah.az təqdim edir:
Qoç – ani partlayışlar
Qoç bürcü enerjili və təşəbbüskardır, lakin onların əsəbi də eyni dərəcədə sürətlidir. Əgər bir şey istədikləri kimi getmirsə, dərhal qəzəblənə bilərlər. Onların hirsi çox uzun çəkməsə də, həmin an etdikləri və ya dedikləri şeylər böyük problemlərə yol aça bilər.
Əqrəb – kinli və intiqamçı
Əqrəblər sakit görünsə də, içlərində qəzəblərini toplayırlar. Onlar əsəbiləşdikdə çox dərin və uzunmüddətli kin saxlaya bilərlər. Əqrəblər qarşılarındakı insanı incitmək üçün ən zəif nöqtəni tapmağa meyillidirlər. Əgər onlara qarşı haqsızlıq etdiyinizi düşünürlərsə, intiqam almaq üçün fürsət gözləyə bilərlər.
Şir – qürurlu və hökmlü
Şirlər liderlik xüsusiyyətlərinə malik olduqları üçün onların fikrinə qarşı çıxmaq bəzən çətin ola bilər. Əgər özlərini haqsız yerə tənqid olunmuş hiss edərlərsə, qəzəbləri dərhal alovlana bilər. Onlar əsəbiləşdikdə təkcə sözlə deyil, jest və mimikaları ilə də bunu açıq şəkildə büruzə verirlər.
Oğlaq – səbir kasası daşanda
Oğlaqlar adətən soyuqqanlı və təmkinli insanlardır, lakin uzun müddət yığılan stress və haqsızlıq onların səbir kasasını daşıranda çox sərt reaksiya verə bilərlər. Əgər onları həddindən artıq qıcıqlandırsanız, sakit təbiətli Oğlaq belə emosional partlayış yaşaya bilər.
Xərçəng – emosional dalğalar
Xərçənglər çox həssasdır və ətrafdakı insanların davranışlarını dərindən hiss edirlər. Onlar özlərini dəyərsiz və ya haqsız yerə incidilmiş hiss etdikdə əsəblərinə hakim olmaqda çətinlik çəkirlər. Qəzəbləri çox emosional olur və bəzən ağlamaqla, bəzən isə ani partlayışlarla ifadə edilə bilər.
Dolça – gözlənilməz qəzəb partlayışları
Dolçalar adətən sakit və mehriban olsalar da, onları əsəbiləşdirən bir vəziyyətlə qarşılaşdıqda reaksiyaları gözlənilməz ola bilər. Onlar bəzən emosiyalarını uzun müddət içlərində saxlayır və bir anda bütün hirslərini ortaya çıxara bilirlər.
Əgər bu bürclərlə ünsiyyətdə olarkən onların səbrini daşırmaq istəmirsinizsə, mümkün qədər diqqətli davranmağa çalışın!
Aytac Şahin
Telegram kanalımız
