"Hubble" Kosmik Teleskopundan istifadə edən tədqiqatçılar "UGC 8091" adlı nizamsız cırtdan qalaktikanın görüntüsünü çəkiblər. Düzgün olmayan formasına görə nizamsız qalaktika, kiçik ölçüsünə görə isə cırtdan qalaktika adlanır.
MediaPost xəbər verir ki, Süd yolu kimi spiral qalaktikalardan və ya hamar və elliptik formaya malik elliptik qalaktikalardan fərqli olaraq, nizamsız qalaktikalar müxtəlif formalara malik ola bilər. Çox vaxt bu qalaktikalar iki qalaktikanın bir-birinə yaxınlaşması və qarşılıqlı təsir göstərməsi kimi cazibə qüvvələrinə görə qəribə formalar alır.
Bu xüsusi görüntü "Hubble"ın iki kamerası, Geniş Sahə Kamerası 3 və Sorğular üçün Qabaqcıl Kamera vasitəsilə uzun illər ərzində çəkilmiş məlumatları birləşdirərək çəkilib. "Hubble" alətləri ilk növbədə insan gözü kimi görünən işığın dalğa uzunluqlarına baxır. Lakin onlar ultrabənövşəyi və infraqırmızı dalğa uzunluqlarının kiçik bir hissəsinə də baxa bilərlər.
Spektrin infraqırmızı hissəsindəki obyektləri araşdırmaq istəyən astronomlar indi üç yaxın infraqırmızı və bir orta infraqırmızıda işləyən alətə malik "James" Webb Kosmik Teleskopundan istifadə etmək imkanına malikdirlər. Lakin "Hubble" görünən işıq müşahidələri üçün astronomiyanın aparıcı alətlərindən biri olaraq qalır.
Bu layihənin əsas məqsədi milyardlarla il əvvəl Böyük Partlayışdan sonra kainat genişlənərkən soyuyan hidrogeni yenidən qızdırmaqda cırtdan qalaktikaların rolunu araşdırmağa çalışmaq idi.
Leyla Rüstəmova
