Video məzmun platformaları dedikdə ilk ağıla gələn adlardan biri olan "YouTube" çox uğurlu bir il keçirib. Artıq bir çox insan və qurum üçün böyük gəlirə çevrilən platforma 2023-cü ili rekordlarla geridə qoymaq üzrədir.
MediaPost xəbər verir ki, musiqi, vlog və podkast kimi saysız-hesabsız məzmun növlərinin mərkəzinə çevrilən "YouTube", son illərdə bir çox məzmun istehsalçısının ən çox müraciət etdiyi ünvan olub. Paylaşılan hesabata görə, hazırda platformada 13,3 milyarddan çox video var. 2005-ci ildə yayıma başlayan "YouTube", 2023-cü ildə 4 milyarddan çox yeni video ilə istifadəçilərinə xidmət göstərib. Əlavə orta baxış sayı 39 olaraq açıqlandı.
"YouTube"un son uğurlarının arxasında reklamların payı yüksəkdir. Xüsusilə pulsuz versiyadan istifadə edən istifadəçiləri bezdirsə də, reklamların yaratdığı mühit məzmun istehsalçılarının diqqətini çəkib. "YouTube" platformasındakı 2023 rekordları bununla məhdudlaşmır. "Rockstar Games"in sızma səbəbiylə daha əvvəl yayımladığı GTA 6 tanıtım treyleri 24 saat ərzində ən çox baxış rekordu qırıb. GTA 6 tanıtım treyleri yayımlandıqdan sonra 24 saatdan az müddətdə 70 milyon dəfədən çox izlənilib.
Leyla Rüstəmova
