Yaponiyada zəlzələ nəticəsində ölənlərin sayı 82-yə çatıb. 1news.az xəbər verir ki, bu barədə Yaponiyanın “NHK” telekanalı məlumat yayıb. Qeyd edilib ki, 80-dən çox şəxsin axtarışı davam etdirilir. Ümumilikdə 339 nəfərin yaralandığı bildirilir. 09:41 Yaponiyada zəlzələ nəticəsində ölənlərin sayı 78-ə çatıb. 1news.az xəbər verir ki, bu barədə “Kyodo” agentliyi məlumat yayıb. Bildirilib ki, zəlzələdən sonra itkin düşmüş 50-yə yaxın şəxsin axtarışı davam etdirilir. Qeyd edək ki, yanvarın 1-də Yaponiyanın qərbində bir neçə güclü zəlzələ baş verib. Ümumilikdə, iki saat ərzində İşikava və Niiqata prefekturalarında 30-a yaxın yeraltı təkan qeydə alınıb, ən güclü yeraltı təkanların maqnitudası 7,6 olub. Yaponiya Meteorologiya Agentliyi zəlzələnin 1885-ci ildən bəri Noto bölgəsində baş verən ən güclü yeraltı təkan olduğunu bildirib.
