Lənkəran şəhərinin mərkəzində elektrik və rabitə dirəkləri, o cümlədən iri gövdəli ağaclar aşıb.
APA-nın cənub bürosunun verdiyi xəbərə görə, hazırda problemin aradan qaldırılması istiqamətində işlər aparılır.
Qeyd edək ki, ötən gecədən indiyə kimi şəhər ərazisində elektrik enerjisinin verilişi dayanıb.
***
saat 10.35
Lənkəran şəhərinə yağan qarın hündürlüyü 50 sm-ə çatır.
APA-nın cənub bürosunun verdiyi xəbərə görə, ötən gün axşam saatlarından yağan qar Lənkəranda elektrik təsərrüfatına və yol infrastrukturuna ciddi ziyan vurub.
Ötən gecədən bu saata kimi şəhər ərazisində elektrik enerjisinin verilişi dayanıb. Yollarda nəqliyyatın hərəkətində məhdudiyyət yaranıb.
Hazırda rayon ərazisində qarın yağması davam edir.
