İran Prezidenti İbrahim Rəisi kim idi?

İranın səkkizinci Prezidenti İbrahim Rəisi mayın 19-da helikopter qəzası nəticəsində həlak olub, rəsmi media bildirib.

Xilasedicilər təxminən 12 saatdan sonra cənab Rəisini və digər yüksək rütbəli İran rəsmilərini daşıyan helikopterin yerini tapıblar.

İbrahim Rəisi mayın 19-da Azərbaycanla sərhəddə Prezident İlham Əliyevlə görüşəndən sonra Təbrizə gedirmiş, İran mediası yazıb.

Azərbaycan və İran prezidentləri bazar günü Araz çayı üzərində inşa edilmiş “Xudafərin” hidroqovşağının istismara verilməsi və “Qız Qalası” hidroqovşağının açılış mərasimində iştirak ediblər.

Qəzadan təxminən 12 saat sonra İbrahim Rəisinin həlak olduğu helikopterinin qalıqları tapılıb.