Azərbaycanda son aylarda xüsusən uşaqlar üçün təhlükəli hesab edilən qızılca xəstəliyinin səviyyəsində azalma müşahidə edilir, Respublika Gigiyena və Epidemiologiya Mərkəzi bildirib.
Mərkəz bunun səbəbini qızılçaya qarşı peyvəndləmənin artmasında görür.
"Hazırda, ölkədə qızılca xəstəliyinə qarşı həm planlı, həm də peyvənddən kənarda qalan uşaqlar və böyük yaşlı əhali arasında müalicə-profilaktika müəssisələri tərəfindən peyvəndləmə işləri davam etdirilir. Respublika ərazisində qızılca xəstəliyinə qarşı (QPM və QMi) peyvəndlər ilə əhatə olunma artırılıb. Nəticədə son aylarda xəstəliyin səviyyəsində azalma qeydə alınıb", RGEM açıqlayıb.
Bundan əvvəl Səhiyyə Nazirliyi qızılcaya qarşı heç vaxt peyvənd olunmayan və xəstəliyi keçirməyən 11-40 yaş arasında şəxsləri peyvənd olunmağa çağırıb.
Səhiyyə Nazirliyi və TƏBİB bildirib ki, 2023-cü ilin payızından bəri ölkədə uşaqlar və böyüklər arasında qızılca xəstəliyinin yayılmağa başlayıb.
TƏBİB bildirib ki, 11-40 yaşlı əhali qruplarının qızılca xəstəliyindən müdafiəsi üçün onların 1 dəfə peyvənd olunması kifayət edir.
Səhiyyə Nazirliyi dekabrın 27-dən kütləvi peyvəndlənmə işlərinə başladığını bəyan edib.
2023-cü ilin aprel-noyabr ayları arasında ölkədə 300-ə yaxın qızılcaya yoluxma hadisəsi qeydə alınıb.
Səhiyyə Nazirliyi bildirib ki, onlardan 35-i yaşlı insanlar olub.
Payızda qızılcaya kütləvi yoluxma halları Kürdəmirdə, Şəkidə müşahidə edilib, yerli media yerli icra orqanlarına istinadən yazıb.
Hadisələrin epidemioloji təhlili göstərir ki, yoluxmanın əsas səbəbi peyvəndlərdən yayınma hallarının olmasıdır, Səhiyyə Nazirliyi bildirib.
Qızılca nədir? Bu xəstəlikdən necə qorunmaq olar? Jurnalist Könül Şahin BBC Azərbaycanca üçün bu və digər suallara cavab tapmağa çalışıb.
1. Qızılca nədir?
Şəklin mənbəyi, Getty İmages
