Azərbaycan İdman Jurnalistləri Assosiasiyası (AİJA) 2023-cü ilin idman laureatlarını mükafatlandırıb.

AİJA-nın ofisində gerçəkləşən tədbirdə idman jurnalistləri təltif olunublar.

Qurumun prezidenti Eldar İsmayılov hazırda Beynəlxalq İdman Mətbuatı Assosiasiyasının (AIPS) 100 illik yubileyinin keçirildiyini xatırladıb. O, Beynəlxalq İdman Jurnalistləri Günü münasibəti ilə həmkarları təbrik edib.

Qaliblər arasında "CBC Sport"un əməkdaşı da var. "Xəbərlər" departamentinin müxbiri Rəvan Mahmudzadə "İlin televiziya üzrə idman jurnalisti" nominasiyasında qalib seçilib.