Xırda xuliqanlığa görə miqrantları Rusiyadan qovacaqlar.
interpress.az xəbər verir ki, bu barədə Rusiya mediası məlumat yayıb. Bildirilir ki, xırda xuliqanlığa görə miqrantları Rusiya Federasiyasından qovmaq istəyirlər.
Dövlət Duması İnzibati Xətalar Məcəlləsinin 20 maddəsinə əsasən xarici mütəxəssislərin deportasiyası haqqında qanunu dəstəkləyəcək:
“Xırda xuliqanlıq”;
“İctimai qaydanın pozulması ilə nəticələnən ictimai yerlərdə vətəndaşların kütləvi şəkildə eyni vaxtda olmasının və (və ya) hərəkətinin təşkili”;
“Nasist atributlarının və ya simvollarının, yaxud ekstremist təşkilatların atributlarının və ya simvollarının təbliği və ya ictimai nümayişi”;
“Rusiya Federasiyasının ərazi bütövlüyünün pozulmasına yönəlmiş hərəkətlərə ictimai çağırışlar”;
“Nəqliyyat rabitəsinin bloklanması”;
“Terrorizmə qarşı əməliyyatın hüquqi rejiminin pozulması”;
“Fəaliyyətinin dayandırılması haqqında qərar qəbul edilmiş ictimai və ya dini birliyin fəaliyyətinin təşkili” və s.
Xuraman Etibarlı
İnterpress.az
