İspaniyanın Mursiya şəhərində təlim-məşq toplanışında olan 19 yaşadək futbolçulardan ibarət Azərbaycan komandası ikinci yoldaşlıq görüşünü keçirib.
Sportinfo.az xəbər verir ki, milli hazırlıq çərçivəsində Niderlandın müvafiq yaş qrupundan ibarət komandası ilə qarşılaşıb.
Görüş Niderlandın 3:0 hesablı qələbəsi ilə yekunlaşıb.
Azərbaycan toplanış çərçivəsində iki gün əvvəl Şotlandiya ilə yoldaşlıq görüşündə qarşılaşıb və 0:2 hesabı ilə məğlub olub.
U-19 sentyabrın 9-da Uels yığması ilə yoldaşlıq görüşündə üz-üzə gələcək.
