ABŞ-ın keçmiş dövlət katibi Maykl Pompeo hesab edir ki, ABŞ və Kanadaya qarşı terror hücumu təhlükəsi “çox realdır”.
Azreform.info xəbər verir ki, Pompeo bu barədə Fox News-a müsahibəsində danışıb və "Kanada və ABŞ-da artan terror təhlükəsi çox və çox realdır. FTB-nin qarşısında çox çətin bir vəzifə durur" deyib.
Pompeonun sözlərinə görə, bunun səbəblərindən biri miqrasiya böhranı olub: "Biz sərhədimizə nəzarət etmirik və bu, terror hücumu təhlükəsini kəskin şəkildə artırır".
Bundan əvvəl ABŞ Ədliyyə Nazirliyi FTB-nin Kanada kəşfiyyat orqanları ilə birlikdə HƏMAS-ın İsrailə qarşı radikal hücumundan bir il sonra, 2024-cü il oktyabrın 7-də baş verə biləcək Nyu-York Yəhudi Mərkəzində kütləvi atışmanın qarşısını aldığını bildirmişdi. Kanadada terror aktı hazırlamaqda şübhəli bilinən pakistanlı Məhəmməd Şahzeb Xan saxlanılıb.(Musavat.com)
