"Barselona"nın yarımmüdafiəçisi Frenki de Yonqla yollarını ayırmağı planlaşdırır.
Sportnet.az "Marca"ya istinadən xəbər verir ki, Kataloniya klubu onun maaşını azaltmaq istəyib.
Niderlandlı isə bununla razılaşmayıb. Ona görə də, tərəflər arasında narazılıq yaranıb və sonda "Barselona" De Yonqu satmaq qərarına gəlib.
Yarımmüdafiəçinin İspaniya klubunda illik maaşı 30 milyon avrodur.
Hazırda zədəsini sağaltmaqla məşğul olan De Yonqun "Barselona" ilə müqaviləsi 2026-cı il iyunun 30-na qədərdir.
