Bütün həyatlarını dənizdə keçirirlər və vaxtlarını okeanın dibində yemək axtarmaqla yaşayırlar. Onlar müvəqqəti evlərdə, daha doğrusu İndoneziya, Malayziya və Filippin dənizlərinə səpələnmiş qayıqlarında yaşayırlar. Onlar 1000 ildən artıqdır ki, bu şəkildə həyata davam edirlərvə həyatları tamamilə ətrafdakı dəniz məhsullarından asılıdır. Bu, onları karides, xərçəng, balıq və kalamar tutmaq üçün bütün günü su altında işləməyə məcbur edir.
Buna görə də, Bajau xalqı xarici qulaq və orta qulaq arasındakı təzyiqi bərabərləşdirmək üçün qulaq pərdələrini deşərək su altında dalmaqda çətinlik çəkmir. Lakin qulaq pərdəsini perforasiya etmək eşitmə qabiliyyətini də azaldır və sizi qulaq infeksiyalarına qarşı həssas edə bilər. Bu, Bajaunun su altında yaşamaq üçün qəbul etməli olduğu bir şərtdir.
Son dərəcə qeyri-adi olan odur ki, onlar 16 dəqiqədən çox okean dibinin 60 m altına dala bilərlər. Bunu necə edə bilərlər? Onların adi insanlardan daha böyük dalaqları var. O, qana daha çox oksigen vurmaq qabiliyyətinə malikdir və bioloji dalğıc cihazıdan heç bir fərqi yoxdur. Onların dalağının həcmi normal insanlarınkından 50 faizdən çoxdur.
Xüsusilə odur ki, bu xüsusiyyət təkcə dalğıclarda deyil, tayfanın digər üzvlərində, o cümlədən əvvəllər heç vaxt suya batmayan uşaqlarda da rast gəlinir. Bu o deməkdir ki, onlar dəniz altında daha asan yaşamaq üçün təkamül ediblər.
Fotoda Sama-Bajau balıqçısı İndoneziyanın Sulavesi bölgəsində, Banda dənizində ovladığı ahtapotla üzə çıxır.
Əziz Əlibəyli
visiontv.az
