Demokrat.az "Qafqazinfo"ya istinadən xəbər verir ki, bu barədə "Əl-Cəzirə" məlumat yayıb. Məlumatı ölkənin Baş naziri Entoni Albaneze açıqlayıb.
Bildirilir ki, instaqram, tiktok kimi sosial şəbəkələr uşaqların fiziki və mənəvi sağlamlığına mənfi təsir edə bilər və bu səbəbdən də Avstraliya uşaqların onlayn təhlükələrdən qorunması ilə bağlı qanun layihəsi hazırlayır.
Bununla əlaqədar olaraq, ölkədə sosial şəbəkələrdən istifadə ilə bağlı yaş limiti təyin edilə və 14-16 yaşdan az şəxslərə sosial şəbəkələrdən istifadə qadağan oluna bilər.
Baş nazirin sözlərinə görə, valideynlər uşaqlarının sosial mediadan istifadə etməklərindən çox narahatdırlar. O əlavə edib ki, valideynlər övladlarının telefonlardan uzaq olmasını və daha real mühitdə böyüməsini arzu edirlər.
Nəşr qeyd edib ki, Avstraliyanın müxalifət lideri Peter Dutton da bundan əvvəl 16 yaşdan az olan şəxslərə sosial şəbəkələrdən istifadənin qadağan olunmasına öz dəstəyini ifadə edib.
Sözügedən məsələ ilə bağlı qanun layihəsi qəbul edilərsə, Avstraliya dünyada sosial şəbəkələrə yaş məhdudiyyəti tətbiq edən ilk ölkələrdən biri olacaq. 2015-ci ilin sonunda Avropa İttifaqı ölkələrində analoji qadağanın tətbiq edilməsi gündəmə gəlsə də, daha sonradan layihə qəbul edilməyib.
Onu da qeyd etmək lazımdır ki, yeniyetmə və uşaqlara sosial şəbəkələrdən istifadə ilə bağlı bu cür məhdudiyyətlər etirazlara da səbəb olub. Tənqidçilərin fikrincə, bu, yeniyetmələrin özünüifadə azadlığını pozur.
Queensland Texnoloji Universitetinin rəqəmsal kommunikasiya üzrə professoru Deniel Anqus da Avstraliyanın hazırda müzakirə etdiyi bu məhdudiyyətləri tənqid edib.
7Sources
-
demokrat.azBu ölkədə uşaqların sosial şəbəkələrdən istifadəsi qadağan edilə bilər ( 10872844)
-
nocomment.azBu ölkədə uşaqların sosial şəbəkələrdən istifadəsi qadağan edilə bilər ( 10869397)
-
yenicag.azBu ölkədə uşaqların sosial şəbəkələrdən istifadəsi qadağan edilə bilər ( 10868941)
-
sfera.azAvstraliyada uşaqların sosial şəbəkələrdən istifadəsi qadağan edilə bilər ( 10867897)
-
redaktor.azBu ölkədə uşaqların sosial şəbəkələrdən istifadəsi qadağan edilə bilər ( 10866871)
-
viral.azBu ölkədə uşaqların sosial şəbəkələrdən istifadəsi qadağan edilə bilər ( 10866859)
-
qafqazinfo.azAvstraliyada uşaqların sosial şəbəkələrdən istifadəsi qadağan edilə bilər ( 10865488)
