Demokrat.az xəbər verir ki, Baş Prokurorluğun Mətbuat xidməti tərəfindən vətəndaş Damət Ağayevin şikayəti ilə bağlı açıqlama verilib.
Açıqlamada deyilir:
"Vətəndaş Damət Ağayevin “Aslan” Mənzil Tikinti Koperativinin vəzifəli şəxslərinin qanunsuz hərəkətlərinə dair 2018-ci ildən etibarən etdiyi müraciətləri əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılmışdır.
Belə ki, vətəndaş Lalə Dünyamalıyeva 10 iyun 2006-cı il tarixli müqavilə əsasında “Aslan” MTK-dan mənzil almış, 2018-ci ildə nikaha daxil olduqdan sonra əri Damət Ağayev həmin MTK-nın vəzifəli şəxsləri barədə prokurorluq orqanlarına müraciət ünvanlamış və ərizədə göstərilən hallar yoxlanılarkən şikayətin mülki xarakterli olması müəyyən edilmişdir.
Eyni zamanda müəyyən edilmişdir ki, Damət Ağayevin həmin xüsusatlarla bağlı mülki iddiasına Bakı şəhəri Yasamal Rayon Məhkəməsində baxılmış və Məhkəmənin 29 mart 2018-ci il tarixli qətnaməsi ilə iddiası təmin olunmamışdır.
Bundan başqa, ötən müddət ərzində Damət Ağayev Azərbaycan Respublikasının Baş prokuroru tərəfindən 6 dəfə, Baş Prokurorluq və Baş Prokuror yanında Korrupsiyaya qarşı Mübarizə Baş İdarəsinin rəhbərliyi və digər əməkdaşları tərəfindən isə dəfələrlə qəbul edilərək dinlənilmiş, şikayətində göstərdiyi hallar yoxlanılaraq ona aidiyyəti üzrə məhkəməyə müraciət etmək hüququnun olması izah olunmuş, buna baxmayaraq o, prokurorluq orqanlarının fəaliyyətinə aid olmayan məsələlərlə müraciətlərini davam etdirmiş və qəbullar zamanı qurumun iş fəaliyyətini pozmağa cəhd etmişdir.
10Sources
-
32gun.azBaş Prokurorluq vətəndaşın iddialarına cavab verdi ( 11134615)
-
oxu24.comBaş prokuror onu 6 dəfə qəbul edib- Rəsmi açıqlama ( 11134267)
-
demokrat.azBaş Prokurorluq vətəndaşın iddialarına cavab verdi ( 11134132)
-
medianews.azBaş prokuror onu 6 dəfə qəbul edib – Rəsmi açıqlama ( 11133382)
-
dia-az.infoBaş prokuror onu 6 dəfə qəbul edib - Rəsmi açıqlama ( 11133028)
-
viral.azBaş Prokurorluq vətəndaşın iddialarına cavab VERDİ ( 11132506)
-
redaktor.azBaş Prokurorluq vətəndaşın iddialarına cavab VERDİ ( 11132410)
-
sabah.azBaş prokuror onu 6 dəfə qəbul edib - Rəsmi açıqlama ( 11132311)
-
hafta.azBaş Prokurorluqdan vətəndaşın iddialarına CAVAB ( 11132107)
-
adalet.azBaş Prokurorluq vətəndaşın iddialarına cavab verdi ( 11131900)
