Tbilisi, 24 sentyabr, AZƏRTAC
Gürcüstanın Baş naziri İrakli Kobaxidze Nyu-Yorkda Birləşmiş Millətlər Təşkilatının (BMT) Baş katibi Antonio Quterreşlə görüşüb.
Bu barədə AZƏRTAC-a Gürcüstan hökumətnin administrasiyasından məlumat verilib.
Bildirilir ki, görüşdə bir sıra məsələlər, o cümlədən Cənubi Qafqazda sülh və sabitlik məsələləri müzakirə olunub, davamlı sülhün bərqərar olmasının vacibliyi vurğulanıb. Eyni zamanda, Gürcüstanın regionda sülh və sabitliyin təmin olunmasına töhfəsi qeyd edilib.
Tərəflər dünyanın üzləşdiyi problemlərin aradan qaldırılmasında beynəlxalq ictimaiyyətin birgə səylərinin vacibliyiniyi də vurğulayıblar.
Xətayi Əzizov
AZƏRTAC-ın xüsusi müxbiri
Tbilisi
