Gürcüstanın Baş naziri İrakli Kobaxidze Nyu-Yorkda Birləşmiş Millətlər Təşkilatının (BMT) Baş katibi Antonio Quterreşlə görüşüb.
Bu barədə Gürcüstan hökumətinin administrasiyasından məlumat verilib.
Bildirilir ki, görüşdə bir sıra məsələlər, o cümlədən Cənubi Qafqazda sülh və sabitlik məsələləri müzakirə olunub, davamlı sülhün bərqərar olmasının vacibliyi vurğulanıb. Eyni zamanda, Gürcüstanın regionda sülh və sabitliyin təmin olunmasına töhfəsi qeyd edilib.
Tərəflər dünyanın üzləşdiyi problemlərin aradan qaldırılmasında beynəlxalq ictimaiyyətin birgə səylərinin vacibliyini də vurğulayıblar.
Xətayi Əzizov
Tbilisi
Mənbə: AZƏRTAC
