Milli Məclisinin “Xarici müdaxilələrə və hibrid təhdidlərə qarşı müvəqqəti komissiyasının yaradılması haqqında” Qanun layihəsi müzakirə edilib.
“Qafqazinfo”nun məlumatına görə, Milli Məclisin sədri Sahibə Qafarova bildirib ki, ideoloji təhlükəsizlik məsələləri torpaqlarımızın işğaldan azad olunmasından sonra daha da zəruriləşib.
“Ölkəmiz mürəkkəb xarakterli təhlükələrlə üzləşir. Bu cür hərəkətlər dövlətimizi daxildən zəiflətməyə, milli maraqlarımıza xələl gətirməyə yönəlib. Biz üstüörtülü təhdidlərlə qarşılaşırıq. Saxta şüarlar, manipülativ addımlarla çıxış edənlər olur”, - S.Qafarova bildirib.
***
Milli Məclisinin Xarici müdaxilələrə və hibrid təhdidlərə qarşı müvəqqəti komissiyası yaradılıb.
Ramid Namazov komissiyaya sədr seçilib.
Nuranə Daxilqızı
