"Əli və Nino Yayım" MMC, yol hərəkəti qaydalarını pozmaqda ittiham edilərək məhkəməyə verilib.
Fins.az xəbər verir ki, şirkət barəsində İnzibati Xətalar Məcəlləsinin 339.1-ci maddəsi ilə protokol irəli sürülüb. Bu maddəyə görə, nəqliyyat vasitələrinin sahibləri və ya sürücüləri, "Yol hərəkəti haqqında" Azərbaycan Respublikasının Qanunu ilə müəyyən edilmiş qayda və müddətdə dövlət qeydiyyatına alınmadan nəqliyyat vasitəsini idarə etməyə, və ya qeydə alınmış vasitəni başqasına verməyə, yaxud geri qaytarılma öhdəliyinə əməl etməməyə görə cərimə olunurlar.
Cərimə məbləğləri:
- Fiziki şəxslər üçün: 50 manat
- Vəzifəli şəxslər üçün: 100 manat
- Hüquqi şəxslər üçün: 300 manat
Həmçinin, eyni maddənin 339.1-1 bəndinə görə, nəqliyyat vasitəsinin texniki baxışdan keçmədən idarə edilməsi üçün də 50 manat cərimə tətbiq edilir.
Məhkəmə prosesi Bakı Şəhər Nəsimi Rayon Məhkəməsində hakim Solmaz Mustafayevanın icraatındadır.
Fuad Mədətov
Fins.az
