Banka kredit götürməyə gedən vətəndaş aldığı məlumatdan şoka düşüb.
Oxu24.com CityPost.az -a istinadən xəbər verir ki, İmişli rayon sakini Mirzəyeva Aynurə Tofiq qızı bankların birinə kredit almaq məqsədi ilə müraciət edən zaman onun yüksək vəzifə tutduğu məlum olub.
Bu haqda saytımıza Aynurə Mirzəyeva özü məlumat verib.
“Bankdan kredit almaq istəyirdim.Mənə dedilər ki, sən “Körpü Bina Təchizat" MMC-də sahə rəisi işləyirsən.Aylıq 1348 manat maaş alırsan.Bu sözdən sonra şoka düşdüm.Çünki ömrümdə heç bir yerdə işləməmişəm. Evdən qadınam. Həmin şirkətin də adını birinci dəfədir ki,eşidirdim ”,-deyə Aynurə Mirzəyeva bildirib.
Sayt vətəndaşın başına gələnlərlə bağlı araşdırma aparıb.
Məlum olub ki, Aynurə Mirzəyeva 2019-cu ilin yanvarın 16-dan həmin vəzifəyə təyin edilib.
Vətəndaşın adını qanunsuz yollarla işə yazan “Körpü Bina Təchizat" MMC-nin qanuni təsisçisi Qədirov Tural Qurban oğludur. Sözügedən şirkət 19.08.2020-ci il tarixdən rəsmi qeydiyyata alınıb.Şirkətin rəsmi qeydiyyat ünvanı Yasamal rayonu,İsfəndiyar Zülalov ev 18,mənzil 21-dir.
Araşdırma zamanı o da məlum olub ki, “Körpü Bina Təchizat" MMC-nin vergiyə 56251.90 AZN borcu var.
Bəs bu qədər qanunsuz əməllərə yol verən şirkət rəhbəri bu günə qədər niyə məsuliyyətə cəlb edilməyib?
Əldə etdiyimiz məlumata görə faktla bağlı Vergi Cinayətlərinin İbtidai Araşdırılması Baş İdarəsində araşdırma aparılır. İş müstəntiq Anar Rzayevin icraatındadır.
Hazırladı: Miri Məcidli
