Rusiya prezidentinin mətbuat katibi Dmitri Peskov bildirib ki, bu gün Vladimir Putinlə ABŞ prezidenti Co Bayden arasında görüş üçün heç bir ilkin şərt yoxdur.
“Bu barədə heç bir söhbət olmayıb. Hazırda heç bir ilkin şərt yoxdur, baxmayaraq ki, prezident dəfələrlə ünsiyyətə açıq qalacağını bildirib. Sammitə səfərə gəlincə, qərar hələ qəbul edilməyib”, – deyə Peskov bildirib.
Xatırladaq ki, G20 sammiti noyabrın 18-19-da Braziliyada, Rio-de-Janeyroda keçiriləcək. 2023-cü ildə ABŞ hakimiyyəti Co Bayden və Vladimir Putin arasında təmaslar üçün şəraitin olmamasından danışıb. 2022-ci ilin fevralından bəri əlaqə saxlamayıblar. Putin Taker Karlsonla müsahibəsində dediyi kimi, onların sonuncu söhbəti zamanı o, Co Baydenə Ukraynanı dəstəkləməyin səhv olduğunu deyib.
//Samir Qurbanov, Editor.az
