![Nazir](https://azertag.az/files/2024/3/1200x630/1728375792365442897_1200x630.jpg)
Bakı, 8 oktyabr, AZƏRTAC
Təhsil sistemi ilə əmək bazarı arasında əlaqə yaratmalıyıq.
AZƏRTAC xəbər verir ki, bunu “Tərəfdaşlıqdan tərəqqiyə” devizi ilə keçirilən Təhsilin İnkişafı Forumunda əmək və əhalinin sosial müdafiəsi nazirinin müavini Anar Əliyev deyib. O bildirib ki, Əmək və Əhalinin Sosial Müdafiəsi Nazirliyi tərəfindən işsiz və işaxtaranlar üçün məşğulluq proqramı həyata keçirilir.
“Həmçinin işsiz və işaxtaran şəxslər peşə hazırlıqlarına cəlb edilir. Bu gün təhsil və əmək bazarı qarşısında duran problemlərin həllində təkcə dövlət aparıcı rol oynamamalıdır. Özəl sektor da bu fəaliyyətə qoşulmalıdır. Bizim peşə hazırlıqlarımız əmək bazarına uyğun təşkil edilir. 170-ə yaxın peşə ixtisası üzrə təlimlər keçə bilirik. Növbəti ildə bu sahədə özəl sektorla əməkdaşlığımızı genişləndirməyimizi planlaşdırırıq”, - deyə nazir müavini qeyd edib.