"Yuventus"un müdafiəçisi Qleyson Bremer əməliyyat olunub.
"İki sahil" klubun mətbuat xidmətinə istinadən xəbər verir ki, Çempionlar Liqasının Liqa mərhələsinin 2-ci turunda “Leyptsiq”lə (Almaniya) matçda dizindən zədə alan futbolçunun əməliyyatı uğurlu keçib.
Öz çarpaz bağlarından xəsarət alan 27 yaşlı futbolçu Fransanın Lion şəhərində əməliyyat edilib.
Bremerin yaşıl meydanlara qayıdacağı tarix açıqlanmasa da, onun uzun müddət oynaya bilməyəcəyi dəqiqdir.
