Salyan, 8 oktyabr, Aydın Yavərzadə, AZƏRTAC
Salyan rayonunda minik avtomobilinin su kanalına aşması ilə nəticələnən yol qəzası baş verib.
AZƏRTAC-ın bölgə müxbiri xəbər verir ki, yol-nəqliyyat hadisəsi Ələt - Astara avtomobil yolunun Yenikənd kəndindən keçən hissəsində qeydə alınıb. Ruslan Nəcəfovun idarə etdiyi VAZ markalı avtomobil yoldan çıxaraq su kanalına aşıb. Hadisə nəticəsində sürücü ölüb. Faktla bağlı araşdırma aparılır.
