“Telegram”ın həmtəsisçisi Pavel Durov bildirib ki, tezliklə messencerə hədiyyələrə və heşteqlərə dair 10 yeni funksiya, eləcə də mesajların redaktə edilməsi üçün yeni imkanlar əlavə ediləcək.
Yeniləmələrə mesaj göndərildikdən sonra ona media əlavə etmək, mesajın redaktə edildiyi vaxta baxmaq və digərləri daxildir. Durov həmçinin təklif etdiyi yeniləmələrin maketlərini bir gündə hazırlayan komandasının işinin səmərəliliyini də qeyd edib.
Xatırladaq ki, oktyabrın əvvəlində “Telegram” bir sıra yeniləmələri təqdim etmişdi. Onlardan biri messencer istifadəçilərinin dostlarına göndərə biləcəkləri hədiyyələrdir. Bundan əlavə, şikayətlər menyusunda da yeni kateqoriyalar əlavə edilib.
