Amerikalı tanınmış müğənni Teylor Svift dünyanın ən varlı qadın musiqiçisi olub.
“Qafqazinfo” xəbər verir ki, bu barədə məlumatı “Forbes” jurnalı yayıb.
Məlumata görə, 34 yaşlı müğənninin sərvəti təqribən 1,6 milyard dollar təşkil edir ki, bu da ötən ilin oktyabrı ilə müqayisədə 500 milyon dollar çoxdur.
Jurnal yazır ki, Teylor Svift “The Eras Tour” (2023-2024) turunun uğur qazanması sayəsində bu nəticəyə nail olub.
Bununla yanaşı, ikinci pillədə 1,4 milyard dollar sərvətlə Rihanna, üçüncü pillədə isə 850 milyon dollarla Madonna yer alıb.
