“Payızda uşağın sağlamlığı üçün D vitamindən istifadəni unutmamalıyıq”.
Azpost.info xəbər verir ki, bunu rusiyalı həkim, L.M.Roşal adına Uşaq Kliniki Mərkəzinin pediatriya şöbəsinin müdiri Yuliya Rovenskaya bildirib.
Onun sözlərinə görə, beş yaşınadək uşaq ilin bu vaxtında gündə təxminən 13 saat, səkkiz ildən sonra isə ən azı doqquz saat yatmalıdır.
“İlk növbədə valideynlər bilməlidirlər ki, qrip peyvəndi ağır müalicədən və onun nəticələrindən qoruyur. Bütün ailənin peyvənd olunması vacibdir. D vitamini haqqında unutmaq olmaz. Uşağın yuxu və oyanma cədvəlinə də riayət etmək tövsiyə olunur. Məsələn, beş yaşına qədər uşaqlar gündə təxminən 13 saat, səkkiz yaşından sonra isə ən azı doqquz saat yatmalıdırlar. Mənzildə otaqları mütəmadi olaraq havalandırmaq lazımdır – gündə ən azı iki dəfə. Mövsümi halların artdığı dövrdə gündəlik nəm təmizləmə faydalı olacaq”, – həkim bildirib.
O qeyd edib ki, D vitamini orqanizmə sümüklərin böyüməsi üçün lazım olan kalsium və fosforun sorulmasına kömək edir. Bu vitamin balıq, mal qaraciyəri, yumurta sarısı kimi qidalarda olur.
Həmçinin, məktəbdən və ya uşaq bağçasından qayıtdıqdan sonra, profilaktik tədbir olaraq, uşağın burnunu duzlu məhlullarla yaxalamaq və qarqara etmək olar. Bundan başqa, hər küçədən qayıtdıqdan sonra əllərin müntəzəm yuyulması kimi şəxsi gigiyenaya xüsusi diqqət yetirilməlidir.
Azpost.info
