Mingəçevirdə diş poliklinikasından oğurluq edən şəxs kameraya düşüb.
Yeniavaz.comxəbər verir ki, hadisə şəhərin 20 yanvar küçəsində fəaliyyət göstərən stomatoloji klinikada baş verib.
Belə ki, oğurluq əməlini törədən şəxs diş həkiminin otağına girərək ona məxsus pul qabını götürüb.
Həmin anlar otaqda quraşdırılan təhlükəsizlik kamerası tərəfindən anbaan lentə alınıb.
DİN-in Mətbuat Xidmətinin Şəki regional qrupundan bildirilib ki, əməli törədən şəxsin kimliyi müəyyən olunub və hazırda saxlanılması istiqamətində tədbirlər həyata keçirilir.
Esmira Hidayətova, Mingəçevir
