“Bu ilin iyun ayında Böyük Britaniyada 40-dan çox ölkə və qurumun iştirakı ilə ideyalar yaratmaq, iqlim və inkişafın texniki çatdırılmasını irəli sürmək üçün görüşlər təşkil edib. Mən çox şadam ki, bu gün bizim həmin təklifləri siyasi səviyyədə müzakirə etmək imkanımız var”.
Bu barədə "PreCOP" çərçivəsində "İqlim və İnkişaf" mövzusunda Nazirlər Konfransında Böyük Britaniyanın iqlim məsələləri üzrə naziri Kerri Makkarti bildirib.
O deyib ki, hamımız iqlimlə bağlı artan fövqəladə vəziyyətdə tez hərəkətə keçməyin zəruriliyini yaxşı bilirik: “İnkişaf etməkdə olan ölkələr və inkişaf etməkdə olan kiçik ada dövlətləri iqlim dəyişikliyindən ən çox təsirlənənlər arasındadır. Onlar maliyyə problemləri ilə ən çox mübarizə aparanlar arasındadırlar. İqlim dəyişikliyinə uyğunlaşmaq üçün bu onillikdə az inkişaf etmiş ölkələr və İnkişaf etməkdə olan Kiçik Ada Dövlətləri (SIDS)-in birlikdə ildə 29-41 milyard dollara ehtiyacı olduğu təxmin edilir, lakin orta hesabla 2017-ci ildən 2021-ci ilə qədər Milli Müəyyən edilmiş Töhfələr (MDM) və SIDS uyğunlaşması üçün maliyyə axınları ildə cəmi 7 milyard dollar olmuşdur. Əhəmiyyətli bir boşluq olduğu aydındır. Keçən ilki İqlim və İnkişaf Nazirlərinin Görüşündə biz az inkişaf etməkdə olan ölkələrin və inkişaf etməkdə olan kiçik ada dövlətlərinin üzləşdiyi təhlükənin mahiyyəti və onların ehtiyac duyduqları maliyyəyə çıxış əldə etmək üçün apardıqları mübarizəyə dair nümunələrini eşitdik və təəssüf ki, bu gün daha çox nümunələr rastlaşdıq”.
