Türkmənistan Tatarıstanla çoxtərəfli əməkdaşlığı genişləndirməyə hazırdır. TDH dövlət agentliyi xəbər verir ki, bunu Türkmənistan Xalq Maslaxatının (Xalq Şurasının) sədri Qurbanqulu Berdiməhəmmədov Tatarıstan Respublikasının başçısı Rüstəm Minnixanovla görüşündə deyib.
Minnixanov Aşqabadda səfərdədir. Agentliyin məlumatına görə, Berdiməhəmmədov Türkmənistan və Tatarıstan arasında Rusiya Federasiyası ilə dövlətlərarası dialoq çərçivəsində uğurla inkişaf edən qarşılıqlı fəaliyyətin dinamik və səmərəli xarakterini qeyd edib. O, Tatarıstanı ölkəsinin zamanın sınağından keçmiş, etibarlı tərəfdaşlarından biri adlandırıb. Xalq Şurasının rəhbəri bu səfərin Türkmənistan-Tatarıstan dostluğunun və əməkdaşlığının möhkəmləndirilməsində növbəti addım olacağına əminliyini ifadə edib.
Qurbanqulu Berdiməhəmmədovun bir qədər əvvəl qeyd etdiyi kimi, onun ölkəsi və Tatarıstan müxtəlif sahələrdə, xüsusilə neft-qaz sənayesi, gəmiqayırma, kimya sənayesi, aviasiya avadanlıqları və yük maşınlarının tədarükü, eləcə də humanitar sahədə, o cümlədən təhsil sahəsində səmərəli əməkdaşlıq edir.
Oxuməni.az
