Türkiyə yığması UEFA Millətlər Liqasında evdə Monteneqro millisinə qalib gəlib.
“Far.Az”un məlumatına görə, B Liqasının IV qrupundakı qarşılaşmada “ay-ulduzlular” 1:0 hesabı ilə rəqibindən üstün olub.
Samsun şəhərində baş tutan matçda yeganə qolu 69-cu dəqiqədə İrfancan Kahveci vurub. Ona məhsuldar ötürməni “Yuventus”un gənc ulduzu Kenan Yıldız verib.
Qeyd edək ki, üç oyundan sonra Vinçentso Montellanın yetirmələri 7 xalla turnir cədvəlinə başçılıq edirlər.
