Kamerunlu futbolçu Joel Matip karyerasını bitirib.
Sportinfo.az xəbər verir ki, “Liverpul”un rəsmi saytı 33 yaşlı futbolçunun butslarını asmaq qərarını təsdiqləyib.
Mersisayd klubunda hər kəs Matip və onun ailəsinə gələcək üçün ən yaxşısını arzulayıb.
“Liverpul” saytı vasitəsi ilə həmçinin, Matipin nailiyyətlərini, o cümlədən 2019-cu ildə komandanın Çempionlar Liqasındakı qələbəsinə verdiyi töhfəni xatırladıb.
Kamerunlu futbolçu 2016-cı ildən “Liverpul”da çıxış edirdi. O, daha əvvəl “Şalke”də oynayıb.
