Avropa Liqasının Liqa mərhələsinin 3-cü turu çərçivəsində keçiriləcək “Qarabağ” – “Ayaks” (Niderland) matçının biletləri satışa çıxarılır.
Arena.az xəbər verir ki, sözügedən oyunun biletləri bu gündən etibarən satışda olacaq.
Bu barədə Ağdam klubunun mətbuat xidməti məlumat yayıb. Xəbərdə bildirilir ki, biletlər bu gün saat 12:00-da satışa çıxarılacaq.
Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 300 manatdır.
Satış məntəqələri isə bunlardır:
iTicket.az-ın satış məntəqələri (iTicket.az-da onlayn satış);
“Qarabağ”ın “Park Bulvar”dakı Fan-Şopu;
Tofiq Bəhramov adına Respublika stadionunun kassaları;
Xatırladaq ki, “Qarabağ”la “Ayaks” arasındakı qarşılaşma oktyabrın 24-də Bakıda baş tutacaq. Tofiq Bəhramov adına Respublika stadionunda keçiriləcək görüşə saat 20:45-də start veriləcək.
