ABŞ Müdafiə Nazirliyi, ABŞ Mərkəzi Komandanlığının Yəməndə husilərin nəzarətində olan bölgələrdə bir çox silah anbarlarına hücumlar təşkil etdiyini bildirib. SİA xarici KİV-ə istinadən xəbər verir ki, ABŞ Mərkəzi Komandanlığı, Qırmızı dəniz və Ədən körfəzində beynəlxalq sularda üzən hərbi və mülki gəmiləri hədəf alan husilərə qarşı bir sıra hücumlar həyata keçirdiyini açıqlayıb: “Bu hərəkətlər husilərin Qırmızı dəniz, Bab Əl Məndeb boğazı və Ədən körfəzindəki beynəlxalq ticarət gəmilərinə, ABŞ-ın kommersiya personalına və gəmilərinə ehtiyatsız, qanunsuz hücumlarını davam etdirmək və regional tərəfdaşlarını təhdid etmək üçün həyata keçirilib”.
ABŞ Hərbi Hava Qüvvələrinə məxsus "B-2 Spirit" uzaqmənzilli gizli bombardmançı təyyarələri də daxil olmaqla, ABŞ hava və dəniz qüvvələrinin ünsürlərinin iştirak etdiyi açıqlamada bildirilib: “B-2 bombardmançı təyyarəsinin istifadəsi ABŞ-a bu məqsədlərə çatmaqda qlobal uğur imkanı yaradacaq".
