Amerika Birləşmiş Ştatları gürcü xalqını və Gürcüstanın suverenliyini, ərazi bütövlüyünü və Avro-Atlantik istəklərini dəstəkləməkdə uzun tarixə malikdir.
Modern.az xəbər verir ki, bu barədə ABŞ prezidenti Co Baydenin bəyanatında deyilir.
“Buna görə də mən ölkənin son demokratik geriləməsindən, o cümlədən əsas azadlıqları məhdudlaşdıran və müstəqil vətəndaş cəmiyyəti təşkilatları üçün məkanı məhdudlaşdıran Rusiya qanunlarını “kopyalayan” qanunvericiliyin qəbulundan dərin narahatam”, - Bayden bildirib.
ABŞ prezidenti qeyd edib ki, oktyabrın 26-da Gürcüstanda keçirilən parlament seçkiləri çoxsaylı sənədləşdirilmiş inzibati resurs sui-istifadəsi, həmçinin seçicilərin hədə-qorxu və məcburiyyəti ilə yadda qalıb.
“Biz Gürcüstan hökumətini bütün seçki pozuntularını şəffaf şəkildə araşdırmağa, toplaşmaq və ifadə azadlığını məhdudlaşdıran Xarici Təsir Aktı kimi qanunları ləğv etməyə və Gürcüstandakı bütün siyasi qüvvələrlə seçkilərin bütövlüyünü bərpa etmək üçün dərhal dialoqa başlamağa çağırırıq.
Biz bütün tərəfləri Gürcüstanın Avro-Atlantik gələcəyinin əsası olan qanunun aliliyinə və fundamental azadlıqlara ciddi şəkildə hörmət etməyə çağırırıq”, - bəyanatda qeyd olunub.
Yeri gəlmişkən, Ermənistan-Azərbaycan nümayəndə heyətlərinin Kazanda görüşü zamanı Əliyev həmin tələbi yerinə yetirəcəyinə dair ilkin söz vermişdi. Bu həm də onunla bağlıdır ki, dünən Milli Təhlükəsizlik Xidmətinin direktoru Armen Abazyan parlamentdə yaxın vaxtlarda Azərbaycan tərəfi ilə məhbuslar və itkin düşmüş şəxslərlə bağlı görüşün gözlənildiyini bəyan etsə də, tarixləri dəqiqləşdirməyib.
