Almaniya Kubokunun 1/16 final mərhələsində dünən "Volfsburq"a uduzaraq (0:1) mübarizəni dayandıran Dortmund "Borussiya"sının rəhbərliyi cari mövsümün sonunda futbolçularından birinin komandanı tərk etməsinə icazə verib.
Fanat.Az-ın "SportBild"ə istinadən məlumatına görə, bu, yarımmüdafiəçi Yulian Brandtdır.
Mənbə "arılar"ın cari mövsüm qeyri-sabit oyun sərgiləməsindən narazı qalan idarəçilərin daha bir neçə oyunçunu satmaq haqda düşündüklərini vurğulayıb.
Brandt "Bayer Leverkuzen"in yetirməsidir. O, 2019-cu ildən Dortmund təmsilçisinin formasını geyinir. Orta xətt oyunçusunun klubu ilə müqaviləsinin müddəti 2026-cı ilin yayına qədər nəzərdə tutulub.
8 oyuna 13 xal toplayan "Borussiya" Bundesliqanın turnir cədvəlində 7-ci pillədə qərarlaşıb.
Nihat
