830 mindən çox Livan sakini Hizbullah hərəkatı ilə İsrail arasında münaqişə və Yaxın Şərqdə vəziyyətin pisləşməsi səbəbindən evlərini tərk etmək məcburiyyətində qalıb. Bu barədə BMT-nin Livandakı Humanitar Məsələlərin Əlaqələndirilməsi İdarəsi məlumat yayıb.
Sənəddə o da qeyd olunur ki, məcburi köçkünlərdən 189 298 nəfəri müvəqqəti olaraq 1100 sığınacaqda yerləşdirilib, onlardan 935-i və ya 84%-i artıq tam məskunlaşıb.
Sentyabrın 23-də İsrail “Hizbullah” qüvvələrinə qarşı “Şimalın oxları” əməliyyatına başlayıb və bu əməliyyat zamanı təşkilatın Livan ərazisindəki hərbi hədəflərinə kütləvi hava zərbələri endirib. Sentyabrın 27-də törədilən partlayışlardan biri nəticəsində Beyrutda Hizbullah lideri Həsən Nəsrullah öldürülüb. Təşkilat onun ölümünü təsdiqləyib və İsraillə qarşıdurmanı davam etdirəcəyinə söz verib. Oktyabrın 1-nə keçən gecə İsrail ordusu Livanın cənubunun sərhəd bölgələrində quru əməliyyatına başladığını elan edib.
Oxuməni.az
