İsrail hərbçiləri Livanın cənubundakı Xiam rayonunda “Hizbullah” təşkilatının silahlı qanadının iki səhra komandirini zərərsizləşdirib.
Yeniavaz.com xəbər verir ki, bu barədə ordunun mətbuat xidməti məlumat yayıb.
“İsrail Hərbi Hava Qüvvələri Xiam rayonunda “Hizbullah” komandiri Faruk Əmin Alasini öldürüb”, - məlumatda qeyd edilib.
Ordunun mətbuat xidmətinin məlumatına görə, Alasi İsrailin Qaliley rayonundakı yaşayış məntəqələrinə, o cümlədən Metula şəhərinə çoxsaylı raket hücumlarına görə cavabdeh olub.
