Nyu-York şəhərinin rəsmiləri, dörd dəfə az yağışın müşahidə olunduğu rekord quraq oktyabr ayı səbəbindən şəhər sakinlərini “hər damcı” suya qənaət etməyə çağırıb.Şəhərin meri Erik Adams X sosial şəbəkəsində sakinlərə vəziyyətlə bağlı müraciətlə çıxış edib. Zakon.kz xəbər verir ki, o, onları hakimiyyət orqanlarına kömək etməyə, xüsusən də qazonu tez-tez sulamamağa və dişlərini fırçalayarkən kranın açıq qalmamasına çağırıb.
Oktyabr ayı şəhərin tarixində ikinci ən uzun quru dövrünü yaşadı, yerli rəsmilərə görə, orta hesabla 3,81 düym ilə müqayisədə cəmi 0,81 düym yağış yağdı. Noyabrın 1-də Milli Hava Xidməti üç ştat üçün 1-ci səviyyəli quraqlıq xəbərdarlığı yayıb.

Quraqlıq dövründə Nyu-York şəhərinin Ətraf Mühitin Mühafizəsi Departamenti sakinlərə yanğın hidrantlarının sızması barədə məlumat verməyi, qısa müddətə duş qəbul etməyi, lazımsız yerə yuyulmamağı və sızan kranları təmir etməyi tövsiyə edib.

Nyu-Yorkun su sistemi 8,3 milyon sakinə və əyalətin digər 1,5 milyon sakininə xidmət edir. Su 19 su anbarından və üç göldən gəlir.

aia.az
Tərcümə şöbəsi

• Quraqlıq
• Nyu York
• Suya Qənaət