Bollivud hər il yüzlərlə film istehsal edən və dünyada milyonlarla tamaşaçını cəlb edən Hindistan kino sənaye mərkəzidir. Bollivud termini "Bombey" (indiki kinostudiyaların əksəriyyətinin yerləşdiyi Mumbay) və "Hollywood" sözlərinin birləşməsindən yaranıb.
Hafta.az-ın yazdığına görə, Bollivud filmləri rəngarəng geyimləri, heyrətamiz istedadı, musiqi tamaşaları və dramatik hekayələri ilə xarakterizə olunur. Biz maraqlı olar deyə oxucuları dünyada milyonlarla pərəstişkarı olan beş ən məşhur Bollivud aktrisası ilə tanış olmağa dəvət edirik.
Ayşvaria Ray
Ayşvariya Ray Bollivudun ən məşhur simalarından biridir. Hindistanın Manqalor şəhərində anadan olub. 1994-cü ildə Ayşvaria Ray Miss World müsabiqəsinin qalibi oldu və qısa müddətdə ona böyük reklam müqavilələri təklif edildi. O, hətta “Vogue” jurnalının üz qabığında da görünüb. Aktrisa 1997-ci ildə 24 yaşında kinoda debüt etdi və o vaxtdan bəri bir çox Bollivud, hətta Amerika filmləri üçün təkliflər aldı. Hazırda onun filmoqrafiyasında 45-dən çox film var.
O, sevgi haqqında bir neçə filmində baş rolu oynayan Abhişek Baççanla evlidir. Rayın kino sənayesinə verdiyi töhfələr çoxsaylı nominasiya və mükafatlarla tanınıb.
Ayşvaria Rayın çəkildiyi ən yaxşı filmlər:
“Əbədi sənin” (1999), “Guru” (2007), "Entiran" (2010), "Aşiq ruhlar" (2016), “Kaverinin oğlu 1” (2022) və sair.
Şilpa Şetti
Şilpa Şetti həm də Hindistanın ən məşhur aktrisa və modellərindən biridir. O, karyerasına 1993-cü ildə, cəmi 18 yaşı olanda başlayıb. Debütündən bir il sonra o, ilk baş rolunu oynadı.
Şetti bir sıra hind filmlərində rol alıb və eyni zamanda aktrisa bacısı Şilpa ilə bir neçə dəfə çalışıb. O, həmçinin Britaniya realiti-şousunda iştirak edib və qalib olub. Aktyorluq karyerasına əlavə olaraq, Şilpa xeyriyyə layihələrini fəal şəkildə dəstəkləyir. O, həmçinin bir çox nüfuzlu mükafatlara layiq görülüb.
Şilpa Şettinin ən yaxşı filmlərindən bəziləri bunlardır:
“Ölümlə oynamaq” (1993), “Ürək döyüntüsü” (2000), “Böyük şəhərdə həyat” (2007), “Əsl dostlar” (2008) və sair.
Amişa Patel
Digər məşhur Bollivud ulduzu Amişa Patel aktyorluq karyerasına 2000-ci ildə, 25 yaşında başlayıb. İstedadlı aktrisa ABŞ-ın nüfuzlu Tafts Universitetində iqtisadiyyat üzrə qızıl medalın sahibidir. Massaçusetsdə təhsilini başa vurduqdan sonra aktrisa Khandwala Securities Limited şirkətinin maliyyə şöbəsində çalışıb. Onun ən böyük debütlərindən biri Hrithik Roşanla birlikdə “Say your love” filmindəki çıxışı idi. Hindistanlı rejissorla evlidir.
Amişa Patelin çəkildiyi ən yaxşı filmlərdən bəziləri bunlardır:
"Sevgidən əl çəkmirlər" (2000), “Qaçaqlar” (2001), "Humraaz" (2002), “Labirint” (2007) və sair.
Eşa Deol
Bollivud ulduzlarının övladı Eşa Deol 1981-ci ildə anadan olub. Gələcək aktrisa gənc yaşlarından klassik rəqs üzrə təhsil alıb və iyirmi yaşında ailə ənənəsini davam etdirərək aktrisa olmaq istəyib. O, 2002-ci ildə Hindistan aktyoru Aftab Şivdasani ilə “Kim qəlbimi istəyəcək” filmində debüt edib. O zaman Eşa Deolun 21 yaşı var idi. Aktyorluqdan başqa o, Bollivuddakı peşəkar həyatında mühüm rol oynayan rəqs sənətini də bilir.
Eşa Deolun çəkildiyi bəzi filmlər aşağıdakılardır:
"Kim qəlbimi istəyəcək?" (2002), “Velosipedçilər” (2004), "Ölüm" (2005), “Zaman” (2005) və sair.
Priyanka Çopra
Priyanka 18 yaşında "Miss World 2000" müsabiqəsinin qalibi seçilib və bu titulu qazanan beşinci hind qızı olub. Qələbəsindən üç il sonra Priyanka 2002-ci ildə, 20 yaşında Bollivudda debüt etdi və bu gün Hindistanda ən yüksək maaş alan aktrisalardan biridir. Kino karyerası ərzində bir çox ciddi rollar oynayıb. Bundan əlavə, “Time” statistikasına görə, Çopra dünyanın 100 ən nüfuzlu insanı və Forbes-in dünyanın ən nüfuzlu 100 qadını siyahısına daxil ola bilib.
Priyanka Çopranın çəkildiyi ən yaxşı filmlərdən bəziləri bunlardır:
"Etiraz" (2004), "Moda" (2008), “Barfi” (2012), “Malibu xilasediciləri” (2017), "Ağ pələng" (2021) və sair.
