Çin yeni J-35A gözəgörünməz qırıcısını Çjuhayda keçiriləcək “Airshow China 2024” beynəlxalq aerokosmik sərgisində təqdim etməyə hazırlaşır.
Yeniavaz.com xəbər verir ki, bu barədə Çin Xalq Azadlıq Ordusunun Hərbi Hava Qüvvələrinin silah idarəsinin nümayəndəsi polkovnik Nyu Venbo məlumat yayıb.
Sərgi noyabrın 12-dən 17-dək Çinin cənubundakı Quandun əyalətində keçiriləcək.
“J-35A orta ölçülü çoxməqsədli gözəgörünməz qırıcı 15-ci “Airshow China 2024”də nümayiş etdiriləcək”, - Venbo bildirib.
Həmçinin bu sərgidə Hun-19 raket sistemi və yeni çoxfunksiyalı hücum və kəşfiyyat pilotsuz uçan aparatı və Y-20 təyyarəsinin yük bölməsi təqdim olunacaq.