Son illərdə Azərbaycanda təhsil sahəsinə yönələn diqqət artmaqdadır. Bu kontekstdə fərdi şəxslərin, eləcə də dövlət rəsmilərinin elmə, təhsilə və mədəniyyətə verdiyi dəstək xüsusi önəm daşıyır. Azərbaycan Dillər Universitetinə 100 kitab hədiyyə edən tanınmış ictimai-siyasi xadim, sabiq millət vəkili Etibar Əliyevin bu addımı da təhsil ocaqlarının zənginləşdirilməsi və gənclərin intellektual inkişafına dəstək baxımından əhəmiyyətlidir.
Bu barədə çıxış edən Etibar Əliyev qeyd edib ki, uzun müddətdir Azərbaycan Dillər Universitetinə kitab hədiyyə etmək istəyib. Onun sözlərinə görə, kitabların seçimi üzərində böyük diqqətlə çalışıb və hər bir kitabın tələbələrə elmi, sosial və mənəvi baxımdan faydalı olmasına xüsusi diqqət yetirib. Hədiyyə olunan kitablar içərisində həm dünya ədəbiyyatının, həm də elmi-populyar əsərlərin mühüm nümunələri yer alır. Bu kitabların bəziləri Nobel mükafatçılarına aiddir ki, bu da tələbələrin dünya elmi və ədəbiyyatı ilə tanış olmalarına töhfə verəcəkdir.
Hədiyyə olunan kitabların mövzu müxtəlifliyi tələbələrin fərqli sahələrdə biliklərini genişləndirməyə xidmət edəcəkdir. Kitablar arasında müasir beynəlxalq münasibətlər mövzusunda əsərlər də var ki, bu da Dillər Universitetinin xarici dil öyrənən və beynəlxalq əlaqələr sahəsində təhsil alan tələbələri üçün böyük əhəmiyyət kəsb edir. Belə kitablar vasitəsilə tələbələr müasir dünyanın siyasi, iqtisadi və sosial prosesləri ilə tanış olur, analitik düşüncə qabiliyyətlərini inkişaf etdirirlər.
Əlavə olaraq, elmi-populyar əsərlər gənclərin dünya elmi ilə yaxından tanış olmalarına şərait yaradır. Belə kitablar, elm sahəsinə marağı olan tələbələrin nəzəri biliklərini zənginləşdirmək üçün mükəmməl mənbədir. Eibar Əliyevin hədiyyə etdiyi 100 kitab arasında həmçinin universitetin təhsil profilinə uyğun əsərlər də yer alır ki, bu da Dillər Universitetinin tələbə kontingenti üçün xüsusi olaraq seçilmiş kitablar olduğu anlamını verir.
Etibar Əliyevin müəllifi olduğu iki kitab da bu hədiyyə siyahısına daxildir. Bu kitablar, müəllifin şəxsi baxışlarını, araşdırmalarını və təcrübələrini əks etdirdiyindən, tələbələrə Azərbaycanın ictimai-siyasi həyatına, ölkənin inkişafına dair dərin məlumat təqdim edəcəkdir. Öz kitablarını tələbələrə hədiyyə etməsi, Etibar Əliyevin elmi yaradıcılığını gənclərə ötürmək və onları müzakirəyə cəlb etmək istəyindən xəbər verir.
Etibar Əliyev belə aksiyaların davamlı olacağını qeyd edib. Bildirilib ki, Azərbaycan Dillər Universitetinin kitab fondunun zənginləşdirilməsi tələbələrin dünyagörüşünü artırır, eyni zamanda onları yaradıcı düşüncəyə təşviq edir. Belə aksiyalar cəmiyyətin inkişafında mühüm rol oynayır və təhsilin gələcəyinə olan inaı artırır.
Azərbaycan Dillər Universitetinin rektoru, akademik Kamal Abdulla hədiyyəyə görə Etibar Əliyevə təşəkkürünü bildirərək, bu kitabların tələbələr üçün dəyərli mənbə olacağını vurğulayıb. Bildirilib ki, Eibar Əliyevin bu təşəbbüsü elmə və təhsilə verilən yüksək dəyərin nümunəsidir. Onun bu addımı, kitab hədiyyəsinin sadəcə jest deyil, gələcəyin təhsilini zənginləşdirmək üçün atılmış düşünülmüş addım olduğunu göstərir.
Belə təşəbbüslər gənclərin daha geniş və dərindən öyrənməsinə, həmçinin onların intellektual səviyyələrinin artmasına səbəb olur. Bu aksiyanın davamlı olması isə ölkənin təhsil sahəsində müsbət dəyişikliklərə yol açacaq və gələcəkdə başqa təhsil müəssisələri üçün də örnək olacaqdır.
