Yeni buzqıran “Çukotka” gəmisi Rusiya üçün ABŞ-da prezident seçkilərində Donald Trampın qələbəsindən qat-qat önəmlidir.
Bakıvaxtı.az xəbər verir ki, bunu Kreml sözçüsü Dmitri Peskov deyib.
"Bilirsiniz, düzünü desəm, Trampın qələbəsi ilə bağlı heç nə hiss etmirəm. Bizim də öz gündəmimiz var. Bu gün biz “Çukotka” buzqıran gəmisini suya buraxdıq. Bu, bizim üçün daha vacibdir", - Peskov bildirib.
Qeyd edək ki, daha öncə Rusiya Prezidenti Vladimir Putin Moskvadan videobağlantı vasitəsilə “Çukotka” nüvə buzqıran gəmisinin suya buraxılması əmrini verib. Mərasim Sankt-Peterburqdakı Baltik gəmiqayırma zavodunun ərazisində baş tutub./axar.az
