İsveçin baş naziri Ulf Kristersson ABŞ prezident seçkilərində Respublikaçı Donald Trampın qələbəsi fonunda Ukraynaya əlavə yardım üçün risklər görüb.
Hit.az xəbər verir ki, onun sözlərini SVT sitat gətirir.
“Başqa bir risk Ukrayna qarşısında öhdəliklərin azalmasıdır. Qeyd edək ki, hazırda Ukraynaya ən böyük hərbi yardımı ABŞ edir. Biz bunu qiymətləndiririk, buna görə minnətdarıq və bunu təbii qəbul etmirik. Biz öhdəliyimizi vurğulamaq üçün əlimizdən gələni edəcəyik", deyə Kristersson bildirib.
O vurğulayıb ki, Avropa uzun müddətdir müxtəlif ssenarilərə hazırlaşır, ona görə də hadisələrin belə inkişafına hazır olacaq.
Bundan əvvəl Avropa İttifaqının xarici siyasət xidmətinin nümayəndəsi Piter Stano bildirmişdi ki, Aİ Donald Trampın ABŞ prezident seçkilərində qələbəsindən sonra Ukraynanı dəstəkləməyə davam edəcək. Stano xatırladıb ki, ABŞ-ın yeni prezidenti yalnız 2025-ci ildə vəzifəsinin icrasına başlayacaq və ona qədər Avropada Ukraynaya dəstək proqramı dəyişməyəcək.
Samir
