Millimizin Millətlər Liqasındakı rəqibləri müəyyənləşdi

Qadın futbolçulardan ibarət milli komandalar arasında Millətlər Liqasının 2025-ci il mövsümünün püşkü atılıb.

"Football-plus.az" xəbər verir ki, İsveçrənin Nyon şəhərində təşkil edilən püşkatmanın nəticəsinə görə C liqasında mübarizə aparacaq millimizin rəqibləri də müəyyənləşib.

Püşk zamanı birinci səbətdə yer alan yığmamız 4-cü qrupda Monteneqro və Litvaya rəqib olub.

Qeyd edək ki, Millətlər Liqasında yeni mövsümə 2025-ci ilin fevralında start veriləcək.