Bakı vaxtı ilə saat 01:12-yə olan məlumata görə, bitkoinin qiyməti 9,30% artaraq əvvəlki tarixi maksimumu yeniləyib.
Yeniavaz.com “Binance” platformasına istinadla xəbər verir ki, bitkoinin qiyməti 75 min dolları keçərək 76,4 min dollara çatıb.
Bakı vaxtı ilə saat 01:22-yə olan məlumata görə, bitkoinin artımı yavaşlayıb və 75 min 900 dollar (+9,24%) səviyyəsində olub.
Qeyd edək ki, bitkoin blokçeyn texnologiyasına əsaslanan eyni adlı kriptovalyutanın mərkəzləşdirilməmiş sistemidir və sistemin iştirakçısı olan istənilən istifadəçi tərəfindən əldə edilə bilər. Bunun üçün yeni sistem blokları yaratmaq lazımdır.