Sabiq millət vəkili Etibar Əliyev televiziya işçilərini təbrik edib.
News365.az sözügedən təbrikin mətnini təqdim edir:
"Yaddaşım zəifləyib. Sən demə dünən Azərbaycan Televiziyası və Radiosu günü imiş. Mənim efir və veb-saytlarla bağlı bircə təbrikim olur. Fevralın 4-də Mark Zukerberqi Facebookun yaranması günü münasibətilə təbrik edəcəm. Gələn il bu nəhəng platformanın yaranmasının 20 ili tamam olacaq. Mən interneti Bəşəriyyətin 8-ci möcüzəsi adlandırıram. Böyük ispan sosioloqu Manuel Kastels interneti xalqların mental xüsusiyyəti ilə bağlayır. Həqiqətdir. Bəzi bədxahlar facebooku nə qədər çirkləndirməyə can atsalar da itellekt, maraqlı və düşündürücü postlar boy atır. Dəyərli Zukerberq bizləri narsist, yekəxana, ambisiyadan köpən, şəxsi mənafeyini ictimai mənafedən üstün tutan televizya rəhbərləri və internet-televiziyalara möhtac qoymayıb. Hər birimizə qəzet verib, dostlar qazandırıb, özü isə milyonların dostudur."
